1 Ay \+w Q'ončux\+w*, zu Vaz bač'an tarast'a,
2 Vi düzgünluği k'ə baksuna ak'est'a, çark'est'a za!
3 Zaynak' c'ap'bakes bakala sa q'aya baki bez bač'ane çurpa,
4 Ay Buxačux, za şər bakalt'uxun,
5 Hələ əyelluğaxun Vaz arxayinbaksa zu,
6 Zu nanaxun bakat'an bezi kiyexun biq'iyonu Hun,
7 Amdarxoy gelet'in za ak'i Vi yaq'ent'un taysa burqi,
8 Vaz tərifbsa, bez ǰomoxun ten bist'a,
9 Bez q'oja vədineyal zaxun ə̌xilmabaka,
10 Anksa düşmənxon hetərt'un bez bač'anexun əyite,
11 Metərt'un nex: «Ç̌oya taradene kot'oxun Buxačuğon,
12 Ay Buxačux, za tək ma barta,
13 Barta bez loxol şər bosalt'oğoy ç̌oyenq'an ot'p'i,
14 Ama bezi Va bakala umud sal sa vədine mal tene bakal,
15 Vast'a bakala düzgünluğaxun,
16 Bitot'uxun üst'ün bakala \+w Q'ončux\+w* Buxačuxnu Hun,
17 Ay Buxačux, əyelluğaxun mağay za zomenbsa,
18 Mot'o zaynak' gele ma ak'a, ay Buxačux, zaxun baka!
19 Ay Buxačux, Vast'a bakala düzgünluğ me dünyəne p'aq'ala şey tene,
20 Gele bəlooxen yaq'abi Hun zaynak',
21 Hörmətə avuzbalnu Hun bezi,
22 Tər farpi Vi s'iya alaboz, ay bez Buxačux,
23 Bez ük'e qayesa Vaynak' mə̌ğk'at'an,
24 Vi düzgünluğa ak'est'i zaynak' bit'oğoxun əyitk'oz zu üşe-ğena,