1 Müdrikluğen tene k'ale ki?
2 Axıri şot'in alloy ganxo, yaq'e t'ǒğǔrxo,
3 Şəhəre bağala darvazin běš,
4 «Ay amdarxo, zu və̌xez k'ale,
5 Ay nu q'amişakalxo, q'ani bakanan,
6 Ǔmǔxlaxanan, dəyərlü şeyurxoxunez əyite,
7 Bezi muzen serinəne nex,
8 Bezi ǰomoxun saycə düz əyitmuxe c'eysa,
9 Q'amişakalt'oğon mot'oğo q'amişe,
10 Gümüşə təə, bezi tərbiyinə c'ək'p'anan,
11 Şot'aynak' ki, müdrikluğ toyexlu ǰěyurxoxunal dəyərlune,
12 Zu müdrikluğzu, ə̌xilaksunen zast'a məsk'əne sake,
13 \+w Q'ončuğo\+w* çalxsun pisluğa nifrətbsun upsune.
14 Nəsyət, şaat' maslaat zast'ane,
15 Bezi köməyen padçağxon kalaluğt'unbsa,
16 Düzgün divanbalxon q'a s'ila amdarxon,
17 Za çureğalt'oğo çurezsa,
18 Bolluğ q'a şərəf,
19 Bezi tadala bar q'ızılaxun, təmiz q'ızılaxun dəyərlune,
20 Zu düzgünluği yaq'en,
21 Za çureğalt'oğo varluzbon,
22 \+w Q'ončuğon\+w* İz əşurxo burqat'an,
23 Burqesunast'a,
24 Bə̌ğə̌loy xeyur bakalt'uxun běš,
25 Buruxmuğ yaranmişakalt'uxun běš,
26 Şot'in dünyənə, çölə-biyavana,
27 Göyurxo yaratmişat'an,
28 Alloyax asoyxo,
29 Xeyur içu əmirbaki ganuxun maq'an c'eri pi,
30 Zu İz t'ǒǒx memarzuy.
31 İz yaratmişit'oğo görə mǔqezbaksay,
32 Həysə, ay bezi ğarmux, za ǔmǔxlaxanan:
33 Bezi tadi tərbiyinə ǔmǔxlaxi
34 Za ǔmǔxlaxalo,
35 Şot'aynak' ki, za bə̌ğə̌balt'in yəşəyinşe bə̌ğə̌bon,
36 Bezi əleyinə bakalt'in isə iz elmoğone q'əst'bon,