1 Bez ğar, bezi əyitmoğo q'orişa,
2 Bezi əmirxo efayin, yəşəyinşalnu;
3 Şot'oğo boğoç̌al k'inək' vi k'əşine lavk'a,
4 Müdrikluğa vi xunçi,
5 Şot'oğon va tarak'ala çuğoxun,
6 Sa ği bezi k'ojin ayninaxun
7 Azk'i ki, sa dəst'ə cəyilxoy arane,
8 Şo tarak'ala çuğoy k'oja ı̌ša küçinene c'ovaksay,
9 Vaxsızey, běğ batk'eney,
10 Me çuuxal tarak'ala çuux k'inək' lapi, iz ük' əfçinen buy
11 (Şo hay-küy sakale, hayasuze,
12 Gəh küçinə, gəh meydanxone c'eysa,
13 Şot'in ğara biq'i muçepi,
14 «Bezi elasa əməlbi
15 Va akseynak' vi běšez c'eri,
16 Bezi döşəyə Misiri kətanaxun ěbeśi,
17 Bezi yorğan-döşəyə
18 Eki kəybakamin suna çureğen,
19 Bezi işq'ar k'oya tene,
20 Təngin kisinəl ext'ene,
21 Fəndurxo əşp'est'i şot'o toolayinşebi,
22 Me ğaral hat'e saad t'e çuğoy bač'anexun bafedi,
23 Axırda iz ciyərə sa ox t'ə̌q'esuna nu avabakala k'inək',
24 İsə, ay bezi ğarmux, za ǔmǔxlaxanan,
25 Ma bartanan ef ük' metər sa çuğoç fırık'ane,
26 Şot'aynak' ki, şot'in gele amdare əfçibe,
27 İz k'oj gərəmzinə taşala yaq'e,