1 Bez ğar, q'ert'ay gala zamin çurpi,
2 Vi ǰomoxun c'eri əyitmoğoxun təlinə baft'enusa,
3 Mone, ene q'ert'ay kiyelnu.
4 Vi piyel nep' eysa ma barta,
5 Ceyranen içu ǒxə̌lbali kiyexun,
6 Ay tənbəl, xuritura běğa,
7 Şot'ay nə kalono,
8 Ama p'urumal yəynul ukune girbon,
9 P'oy hun heq'ədər bask'alnu?
10 Samalal bask'i nep'ax mandayin,
11 Kəsibluğ amdarfǔq'k'al k'inək',
12 Yaramaz, şər amdar,
13 Himebsa, kiin-biine əyite.
14 Şot'ay ük'e pis niyəte bu,
15 Kot'o görəl şot'ay bel bələne eğon,
16 \+w Q'ončuğon\+w* ǔq şeyaxun nifrətp'i irit'ene,
17 Alaxun oq'a běğala pulmoğoxun;
18 Niyət şər bakala ük'əxun;
19 İz əfçinen nəfəs haq'ala əfçi şahidaxun,
20 Bezi ğar, vi bavay əmirxo eyexun ma c'evk'a,
21 Şot'oğo vi ük'e boş efa,
22 Tağat'an şot'oğon va yaq' ak'est'alt'un,
23 Me əmirxo çirağe,
24 Mot'oğon va tarak'ala çuğoxun,
25 Şot'ay gözəlluğa bənd ma baka,
26 Axıri tarak'ala çuğoy toy sa loq'ma šume,
27 Aruğo q'oltuğe ext'i,
28 S'ile loxol tarapi,
29 Q'ert'ay çuğoy t'ǒǒx bağalt'ay axıral metəre,
30 Busa oğrinen iz tapana buybseynak' başq'ayin,
31 Ama şot'oval biq'at'an içuxun vǔğ q'at c'eğalane,
32 Q'ert'ay çuğoxun tarak'alo isə lap q'ammaze,
33 Me işq'ara t'ap'en, biyabur baksunene yaq'běğsa,
34 Şot'aynak' ki, t'e çuğoy işq'ara q'eyrəten bok'osebon,
35 Hik'k'alen şot'ay işq'ara efes tene bakon,