1 Bez ğar, bezi müdrikluğa fikir tada,
2 T'e vədə q'amişaksuna ğaç̌eğalnu,
3 Q'ert'ay çuğoy muzexun uč'e barst'a,
4 Ama axırda ağune baksa,
5 Şot'ay turmoğon bisunane taşt'a,
6 Yəşəyinşest'ala yaq'a fikir tene tast'a,
7 Həysə, ay ğarmux, za ǔmǔxlaxanan,
8 Metər çuğoxun ə̌xil baka,
9 Tene, vi cəyilluğaxunen bakon,
10 Vi bakalt'u q'ert'oğone ukon,
11 Vi ömüri axır p'ap'at'an,
12 "Het'aynak'ez tərbiyinə nifrətbi,
13 Bezi məəlimi əyitə tez běği,
14 İsəəl bütüm camaati piin běš,
15 Təkc'ə vi orayini xenaxun,
16 Het'aynak'q'an vi orayini xe küçəmoğo,
17 Şorox saycə viq'an baki,
18 Barta vi orayin bərəkətluq'an baki,
19 Vi çureğala maralen, gözəl ceyranen,
20 Bez ğar, het'aynak' q'ert'ay çuğo bənd bakan,
21 Axıri amdarxoy yaq'mux \+w Q'ončuğoy\+w* piin běše,
22 Şər amdar iz taxsıra görə biq'eğon,
23 Tərbiyə nu baksunaxune biyon,