1 Ay ğarmux, ef bavan tadi nəsyətxo ef ǔmǔğo sırğa banan,
2 Şot'aynak' ki, zu və̌x şaat' dərsez tast'a,
3 Zuval bezi bavay t'ǒğǒl bakat'an,
4 Bezi bavan za zombat'an pine:
5 Müdrikluğ q'a q'amişaksun q'azayinşa,
6 Müdrikluğaxun ma cöybaka, şot'in va q'orişale,
7 Müdrikluğ hər şeyaxun vacibe, şot'o q'azayinşa,
8 Şot'o üst'ün laxayin, va alabale,
9 Şo vi bel gözəl bəzəy,
10 Bez ğar, za ǔmǔxlaxa,
11 Va müdrikluği yaq'a ak'est'oz,
12 Lə̌ngbat'an vi tur tene lamandal,
13 Va tadala tərbiyinə ğaç̌eki, vaxun ə̌xil maba,
14 Pis amdarxoy yaq'a vi tura ma ç̌axp'a,
15 Qoş baka, me yaq'a ı̌šaal ma bita,
16 Şot'aynak' ki, şər amdarxon pisluğ nu bayt'un,
17 Şot'oğon şərə šum k'inək't'un ukon,
18 Düzgün amdari yaq' savaxt'an c'eğala işiğ k'inək'e,
19 Pis amdarxoy yaq' isə bayinq'luğ k'inək'e,
20 Bez ğar, bezi əyitmoğo fikir tada,
21 Şot'oğo vi piin běšt'an ma ə̌xilba,
22 Şot'aynak' ki, şot'oğo bə̌ğə̌balt'aynak',
23 Hər şeyaxun běš vi fikirxo təmiz efa,
24 Əfçi əyitpsuna bosa,
25 Vi pulmoğon běšq'an běği,
26 Vi cığıra düzba ki,
27 Nə yön, nə tərs ma fırıpa,