1 Əyc'in ğinaxun lovğalayinş ma baka,
2 Barta va t'iyə̌mint'inq'an tərifləyinşi, hun təə,
3 J̌ě bı̌hine, q'umal suuk' tene,
4 Əcuğ amansuze, hirseyal běšinə̌mə haq'sun çətine,
5 Əyitə ç̌oyel upsun şip' çurk'ala dost'e çuresunaxun şaat'e.
6 Dost'e köfel laft'ala əyitəl iz çuresunaxune,
7 Boş tapana şamla uč'enal ağuluğebon,
8 İz yurdaxun ə̌xil baft'i amdar
9 Hetər ki varde q'a duxin ade amdari xoşel eysa,
10 Ham vi dost'a, hamal bavay dost'a ma bosa,
11 Bez ğar, müdrik baka ki, bez ük'ə mǔq't'an,
12 Ə̌xilak'alen saturběš şərə ak'i şot'oxun t'inet'on,
13 Q'ərib amdari gala zamin çurk'alt'in iz paltaral girove tadon,
14 İz q'onşina savaxt'an üşenen ost'aar xeyir-bərəkət tadalo
15 T'ot'ok'ala çuux asoyla ğine nu bot'bakala ağalinane oşq'ar.
16 Şot'o şipbsun muşa nu efes baksun,
17 Dəmirə dəmiren ğayinbalt'ullarik',
18 İncilnə xoda becərişalt'in şot'ay baraxun ukala k'inək',
19 Xenen ç̌oye surata ak'est'ala k'inək',
20 Bisun q'a gərəmzoğ nu boşala k'inək'
21 Q'ızıl-gümüşi təmizluğ gam buxarin boşe ç̌oyel c'eğon,
22 Aruma dingen t'ap'k'ayin, pə̌pě c'eğon,
23 Sürünə şaat' běğa,
24 Şot'aynak' ki, nə var-dövlət həmişəluğ tene,
25 Kološa girbit'uxun oşa təzə o c'eğat'an,
26 Q'uziğone va lapest'on,
27 Keçiğone va t'eq'ədər muč'anaq' tadon ki,