1 Şər amdara şəp'eğal nuval bakayin, t'inest'a,
2 Ölkinə gərgürçiluğ bakat'an kalaluğbalxoval gelene bakon,
3 Kəsibə incitmişala s'ila kala amdar
4 K'anuna pozmişalt'in pis amdarxone tərifbon,
5 Pis amdarxon düzgünluği k'ə baksuna tet'un avabakon,
6 Təmiz ük'en yəşəyinşala kəsib amdar
7 Tərbiyinə q'abulbala ğar q'amiş ğare,
8 Şin ki tənginə kala faizen tast'unene dövlət girbsasa,
9 K'anuna ibaksun nu çureğalt'ay afırınenal irit'p'esest'a.
10 Düzgünt'oğo pis yaq'a zap'k'alo iz kašp'i kurane baft'on,
11 Varlu amdaren içu müdrike hesabbon,
12 Düzgünt'oğoy ooren bitot'aynak' mǔqluğe eçon,
13 İz günaxxo c'ap'balt'in şaat' ği tene ak'on,
14 Həmişə Q'ončuğo çalxalo bəxt'əvəre,
15 Eht'iyəc bakala azuk'i pis kalaluğbal
16 Nu q'amişakala kalaluğbal q'əddar, zülümkəre bakon,
17 Amdarbesp'al iç biyamin q'ı̌ye boşe.
18 Ük' təmiz yəşəyinşalt'aynak' q'ı̌ tene bu,
19 İz oç̌ala əşp'alt'in boşşamin šume ukon,
20 Ext'ibərlu amdaren bol bərəkət q'azayinşale,
21 Tərəfkəşluğbsun şaat' tene,
22 Tamaxkər var-dövləti bač'anexune t'ist'a,
23 Töhmətbalt'in axırda əfçidən tərifbalt'uxun gele hörməte q'azayinşon.
24 Bava-nana fǔq'p'i "mo günax tene" uk'ala amdar əfçibalt'ay dost'e.
25 Tamaxkəren davane galdon,
26 İçu güvəyinşakalo q'ammaze,
27 Kəsibə kul boxodalo hik'k'ala möhtəc tene bakon,
28 Pis amdarxo kalaluğbal bakat'an, bito c'ap'ebaksa,