1 Kalaluğbalaxun sa sulfina arśat'an
2 Vi işt'ağ şaat'al bakayin,
3 Şot'ay muč'a xorayxo tamax ma ba,
4 Dövlət q'azayinşbseynak' vi elmoğo ma laxa,
5 Vi pula dövlətə tikbala k'inək', şo əfçibakale,
6 Xəsis amdari tadala šuma ma uka,
7 Şot'aynak' ki, şot'in iz ük'e boş hər şeye hesabane bon.
8 Kəyi loq'minal əsək'enk'on,
9 Q'ammaza əyit ma upa,
10 Damna zahmani ǰěne ganu ma badalba,
11 Axıri şot'oğo Q'orişalo zorbane,
12 Vi ük'ə tərbiyineynak',
13 Əylin tərbiyinə həmişə fikir tada, cazasuz ma efa,
14 Ama şot'o t'ap'sunen,
15 Bez ğar, hun müdrik bakayin,
16 Vi muzexun düz əyitmux c'eğayin,
17 Günaxkərxo paxılluğbsuna vi beynə ma eça,
18 T'e vədə vi gələcəy bakale,
19 Bez ğar, ǔmǔxlaxa, müdrik baka,
20 Fine t'ağar bakalxoy arane ma baka,
21 Axıri ǔğə̌lxo q'a tapanxorxo kəsibt'un bakon,
22 Vi bava ǔmǔxlaxa, axıri şot'ine va yəşəyinş tade,
23 Müdrikluğa, tərbiyinə, q'amişaksuna q'a serina topba.
24 Metər amdari bava fərəxləyinşebakon,
25 Barta vi bava-nana mǔqbakeq'an,
26 Bez ğar, za fikir tada,
27 Běğa, tarak'ala çuux bə̌ğə̌loy sa çuq'ur,
28 Şot'in k'uldur k'inək' busq'une biq'on,
29 Yaslu bakalo şuva? Dərdlü bakalo şuva?
30 Mo fi ǔğsa arśalo,
31 Hun fine č'oč'a irəngə,
32 Şot'in axırda va dizik' k'inək' duneğon,
33 Vi piyes q'əribə şeyurxone ak'eğon,
34 Vi bask'i gala va dənizi bı̌yex,
35 Uk'alnu: "Za duğet'un, his tezbe,