1 Pis amdarxo paxılluğ maba,
2 Şot'aynak' ki, şot'oğoy ük'e zalımluğbsuni fikirxono,
3 K'oj müdrikluğene biq'esa,
4 İz otağxo avabaksuni köməyen,
5 Müdrik işq'ar zorbane bakon,
6 Davabat'an maslaatxo ǔmǔxlaxa,
7 Q'ammazeynak' müdrikluğ kul nu p'ap'ala sa şeye,
8 İz fikire şər əş biq'est'alo əşgaldale k'alesa.
9 Səfeyi pis niyət günaxe,
10 T'ar ğine ost'aar tenusa,
11 Bespsa taşalt'oğo çark'est'a,
12 Hun ualk'ayin ki, "mot'oxun bez xavar tenoy",
13 Bez ğar, uč' uka, axıri şo xeyire,
14 Avabaka ki, müdrikluğal vi elmoğoynak' hametəre,
15 Şər amdar k'inək' düzgün amdari k'oja vərənbseynak'
16 Düzgün amdar vǔğ kərəm bitayinal, p'urum hayzale,
17 Düşməni bist'una mǔq ma baka,
18 Axıri \+w Q'ončuğon\+w* mot'o anek'on, İz xoşel tene eğon,
19 Pisluğ balt'oğo görə vi əcuğon maq'an biq'i,
20 Şot'aynak' ki, pis amdari axır butene,
21 Bez ğar, \+w Q'ončuğoxun\+w* saal padçağaxun q'ı̌ba,
22 T'e p'rannan tadala bələ q'əflətene eğon;
23 Me əyitmoğoval müdrikxone pe:
24 Taxsırkərt'u "hun düzgünnu" uk'ala amdara azuk'xon q'inəyinşebon,
25 Ama şot'o caza tadala amdaren xeyir bə̌ğə̌bale,
26 Seri coğab tast'un amdara ç̌oyexun muçbsun k'inək'e.
27 Süft'ə qavuna bakala əşlə çark'a, q'oruğa təmizba,
28 Q'onşin əleyinə əfçi şahidluğ ma ba,
29 Ma upa: "Şot'in za bit'u zuval şot'o booz,
30 Tənbəli q'oruğaxun,
31 Azk'i ki, hər ganu śaśen q'a ilen haq'ene,
32 Běği mot'o fikirez tadi,
33 Samalal bask'i nep'axeğayin,
34 Mone, kəsibluğen oğri k'inək',