1 Şaat' s'i kala var-dövlətəxun,
2 Dövlətlü q'a kəsib amdar sa şeyast'at'un suna oşq'ar:
3 Ə̌xilak'ala amdaren saturběš şərə ak'i şot'oxun t'inet'on,
4 Əyitə běğsunen q'a \+w Q'ončuğo\+w* çalxsunen
5 Şər amdari yaq' śaślane, t'et'iya tələno,
6 Əyelə t'ebelxun düz yaq'a laxa,
7 Varlu amdar kəsibi ağane bakon,
8 Haq'suzluğ bit'alt'in içeynak' bələne exp'on,
9 Kəsibəxun iz šuma cöybala kulqay amdaren
10 Masq'arabala amdara şəp'enğon, daval çurek'on,
11 Ük' təmiz, muč'a muz amdari
12 \+w Q'ončuğon\+w* q'amişaksuna q'orişebon,
13 Tənbəlen nexe: "Qavuna aslano,
14 Əxlagsuz çuğoy ǰomo bə̌ğə̌loy kur k'inək'e,
15 Q'ammazluğ əyləst'a bune,
16 Varlu bakseynak' kəsibə zülüm baloval,
17 Vi ǔmǔxxo qaypa,
18 Şot'oğo vi ük'e boş efayin,
19 \+w Q'ončuğo\+w* ext'ibərbavax pi
20 Vaynak' otuz məsələ, müdrik nəsyət tez śampi ki?
21 Şot'oğon va haq'q'e q'a serin k'ə baksuna avabakest'i,
22 Kəsibə iz fağır baksuna görə fǔq'mapa,
23 Şot'aynak' ki, şot'oğoy əşurxo \+w Q'ončuğon\+w* İçin běğale,
24 Usum əcuğon biq'alt'uxun dost' ma baka,
25 Tenesa, şot'ay yaq'enen tağon,
26 Q'ert'ay gala zamin çurpsunaxun,
27 T'e amdari gala tadala hik'k'al nu bakayin,
28 Bavoğon laxi damna zahmani ǰěne ganu ma badalba.
29 İz əşlə şaat' avabakalt'u anksa?