1 Amdaren iz ük'e boş fikirebon,
2 Amdari bütüm yaq'mux iz piyes təmize ak'eğon,
3 Vi biq'ala əşurxo \+w Q'ončuğo\+w* tapşurba,
4 \+w Q'ončuğon\+w* hər şeya İz məksədeynak'e yaratmişe,
5 \+w Q'ončuğon\+w* içoğo ala efalt'oğoxun irit'ene,
6 Buxačuğo çuresunen q'a Şot'o ğaç̌ baksunen günaxxo os'ek'sa,
7 Amdari yəşəyinşaxun\+w Q'ončux\+w* irəzi mandayin,
8 Düzgünluğen q'azayinşala mal şey
9 Amdaren iz yaq'a c'ək'ek'on,
10 Padçağen iz ə̌xilaksunluğene əyitk'on,
11 Düzgün tərəzik'en ayzapsun \+w Q'ončuğoxune\+w*,
12 Şər əşur biq'sunaxun padçağxon irit't'unk'on,
13 Padçağxo düzgün amdari əyitk'alt'uxunt'un irəzi mandon,
14 Padçaği əcuğon bisuni xavare eçon,
15 Padçaği ç̌oyen axšumenesa, avabaka, yəşəyinş bune,
16 Q'ızılaxunsa müdrikluğ q'azayinşbsun şaat'e,
17 Ük'təmizorox pisluği yaq'axun t'it'unst'a,
18 Əfçibaksuna tikbaşluğene eçon,
19 Fağırxoy arane vi sa k'ot'or šuma uksun,
20 Tərbiyinə ǔmǔxlaxalt'in xeyire bə̌ğə̌bon,
21 İz ük'e müdrik bakalo ə̌xilak'ale k'alesa,
22 Q'amişaksun - yəşəyinşest'ala orayine,
23 Müdrik əyitmux müdrik amdaraxune c'eğon,
24 Şaat' əyitmux - şame boş uč' k'inək'e,
25 T'etər yaq'o ki, amdari piyes düze ak'esa,
26 Əşp'alen iz tapana boşevkseynak'e zəhmət zap'e,
27 Yaramazen amdarxoynak' kure kaše,
28 Əfçiduğalen davane galdon,
29 Q'əddar amdaren iz ı̌šat'oğo feret'edon,
30 Pis niyəten pul q'ic'k'alt'ay fikir şəre bakon,
31 Mas'i baki pop s'aldala tace,
32 Q'oççağ baksunaxunsa səbürlu baksun şaat'e,
33 Çöpə amdarene bost'a,