1 Q'ari sa k'ot'or šum bakala ser k'oj
2 Müdrik nökər s'ibiyaburbal ğare ağane bakon,
3 Q'ızıl-gümüşi təmizluğ gam buxarin boşe ç̌oyel c'eğon,
4 Pis amdaren şər bakalt'ay exlətxone fikir tadon,
5 Kəsibə masq'arabalt'in şot'o Yarat'mişalt'une t'ǒǒxbon,
6 Q'ojat'oğoy biin tac içoğoy nəvooxe,
7 Q'ammaza haq'ullu exlət nu yarayinşala k'inək'
8 Rüşvət tadalt'ay piyes iz rüşvət sa piin çile,
9 Günaxi looxun butk'alt'in serluğe qə̌věğon,
10 Q'amiş amdara sa töhməten,
11 Pis amdaren insanxo saycə davinane k'ale,
12 Baloğo aç̌esp'i sa šuyena irəst'eysun
13 Şin şaat'luği gala pisluğ bayin,
14 Höcəti burqesun xene bande qayesunane oşq'ar,
15 Ham taxsırkərt'u haq'lu c'evk'alo,
16 Q'ammazi təngə baksuni k'ə xeyirəbu?
17 Dost'en həmişəne çureğon,
18 Saycə haq'ılsuzene t'iyə̌mint'ay gala əyit tadi
19 Dava çureğalt'in günaxe çuresa,
20 İçust'a əfçi bakalt'in xeyir tene bə̌ğə̌bon,
21 Axmaği bavan dərde bə̌ğə̌bon,
22 Ük'e mǔqluğ elmoğoynak' ən şaat' dərməne,
23 Şər amdaren c'əp'k'in rüşvəte ext'on ki,
24 Q'amiş amdari fikir müdrikluği loxole bakon,
25 Axmağ ğar iz bavaynak' bələne,
26 Nə düzgün amdara cəriməbsun,
27 Gele avabakalt'in male əyite,
28 Şip' çurk'ayin, səfeyal müdrike hesab bakon,