1 O Yoova, uyaan ghou toman atem yabyab malep.
2 Yom uvaneg ghou pa pane tiom natu,
3 Atem yabyab payou kat. Tauto tinig isob isami wa. Anoŋag, babaŋa eta ineep pooi maau.
4 Pataŋani to sosor tiou itatan ghou kat inimale dibom tintina tipolpol izala poghog.
5 You nagham ŋgar to yes borouŋa ve nazoor aliŋam.
6 Yabyabuuŋ tiina igham ghou, ve natudtud ve nayakyak.
7 Tinig ituntun kat, ve anoŋag isob isami wa.
8 Moroghooŋ tonene igham katin ghou le tapirig isob kat.
9 Yoova, yom uwatag: You naghaze uul ghou leso tinig poia.
10 Aazne, ateg imbumbu ve tapirig isob.
11 Nditag ve yes to ruum todi tigharau ghou ne, tighita moroghooŋ tiou tonene, le tineep saguan payou. Tigharau ghou muul maau.
12 Koiagŋa to tizuaria di tighaze tirab ghou namaat, tighur liis katindi payou.
13 Eemoghon matag ila pa saveeŋ todi tonowen maau.
14 Onoon kat, you nanimale tamtoghon to taliŋa ipam ve ilooŋ saveeŋ maau, ve irau ipamuul saveeŋ eta maau.
15 O Yoova, Maaron tiou, you naghur matag payom ve nasaŋan ghom.
16 Maaron, upul pataŋani tonene ilib payou malep. Pa vene, natap, ve koiagŋa tinidi iza, ve tipakur di tighaze tilib payou.
17 Ughita. Yabyabuuŋ tonene ipul ghou rita maau.
18 Onoon, you nazoor aliŋam. Tauto aazne, lolog ipataŋan, ve navotia sosor tiou payom.
19 Koiagŋa, ival kat, ve tapiridi tintina.
20 Ŋgar popoia to muuŋ naghamgham padi, aazne tipamuula pa ŋgar samia.
21 O Yoova, upul murim payou malep.
22 Yoova, yom to Volaaŋa tiou.