1 You nasaav pa taug naghaze: “You pale naŋgin poian taug. Leso avog isosor sob.
2 Tovenen napoon avog, ve nasavia saveeŋ eta maau.
3 Pasa, nagham ŋgar naol kat, le tiou imoz ghou.
4 “Yoova, upaghazoŋan ghou. Ndaman tiou piiz to inepneep sone?
5 Yom ughur leg sawa tuku moghon pa naneep izi taan.
6 Tamtoghon tilaghlaagh pa uraat naol.
7 Yoova, sa mbeb to pale naghur matag pani pa iuul ghou?
8 You nazoor aliŋam ve nagham sosor.
9 Aazne, you neneeŋag moghon. Irau saveeŋ eta ivot ila avog maau.
10 Maaron, uŋgal matag iraua!
11 Ighaze tamtoghon tigham ŋgar samia, yom uyaan di, ve ulos di pa upasaluŋgan di.
12 Yoova, upoon taliŋam pa taŋiiz tiou malep.
13 Lolom isamin ghou ve upul ghou. Uŋgal matag iraua.