1 Ndiran samsamia to aazne tipapakur taudi, ugham ŋgar naol padi malep.
2 Pale tineep ris, ve tisami tinimale kikiliiŋ to ndag ighaaza ve imalai.
3 Unumeer Yoova, ve ugham ŋgar poia moghon.
4 Tinim iza pa Yoova tau.
5 Sa ŋgar to yom ughaze ughami, unumeer Yoova, ve ughur taum ila nima.
6 Pale igham ŋgar tiom deŋia ineep ghazooŋa kat ila tamtoghon matadi, inimale ndag ŋguruba.
7 Ighaze uraat to ndiran samsamia ilaan poia, ve tiyou ledi mbeb naol ila ataam samia, ugham ŋgar naol padi malep.
8 Tovenen atem yabyab ve ugham ŋgar naol malep.
9 Pasa, Yoova pale ipasob ndiran samsamia ve tilaledi.
10 Mala maau pale ndiran samsamia tisob tilaledi.
11 Eemoghon yes to titatan taudi ve tinumeer Yoova, yes pale tineep pooi ila taan to ye igham pa tamtoghon toni.
12 Ndiran samsamia tilup di, ve tikaal ataam pa tiwaghamun tamtoghon deŋiadi.
13 Eemoghon Yoova iŋiŋ padi.
14 Ndiran samsamia tipas buza todi tighaze timbut yes mbolaaŋa to tirau mbeb eta maau.
15 Eemoghon Yoova pale ipamuul buza todi imuul pa taudi.
16 Ighaze tamtoghon deŋia eta le mbeb rismoghon, nene iraua.
17 Pasa, Yoova pale ipasob ndiran samsamia tapiridi.
18 Yes to ledi sosor eta ila Maaron mata maau, Yoova iwatag nepooŋadi, ve mata padi.
19 Sawa to ighaze pataŋani ivot, yes pale tineep pooi.
20 Eemoghon ndiran samsamia pale tisob tilaledi.
21 Ndiran samsamia tighamgham bun, ve tiyatyat di maau.
22 Yes to poia to Yoova izaza todi, pale tineep pooi ila taan to ye igham pa tamtoghon toni.
23 Yes to titaghon ataam to Yoova, tighami lolo poia kat.
24 Tamtoghon tovene, ighaze aghe ilot pa mbeb eta, nene irau itap maau.
25 Sawa to pain ghou, ve inim aazne nanim olman waat, you naghita Yoova ipul muri pa tamtoghon deŋiadi pa eta sone.
26 Tamtoghon deŋiadi matadi reiŋ mbeb, ve tiyokyok pa tamtoghon tigham bun ila todi.
27 Upul murim pa ŋgar samia, ve ugham ŋgar poia moghon.
28 Pasa, Yoova lolo pa ŋgar deŋia.
29 Ndiran deŋiadi pale tigham taan to Yoova igham pa tamtoghon toni,
30 Saveeŋ to ivotvot ila tamtoghon deŋiadi avodi, nene ŋgar poia ineep ila.
31 Tutuuŋ to Maaron todi, ineep ariaŋa ila lolodi ve ŋgar todi.
32 Ndiran samsamia tighamgham lilin tamtoghon deŋiadi.
33 Eemoghon Yoova ivolvool to tamtoghon toni. Irau ipul di tineep ila koiadi nimadi ne maau.
34 Tovenen atem izi, ughur matam pa Yoova, ve utaghon katin ataam toni.
37 Matam ila pa yes to ledi sosor maau, ve ugham ŋgar pa yes to ŋgar todi popoia moghon, ve ughita sa ŋgar to ivotvot padi.
38 Eemoghon yes to zoraaŋ Maaron aliŋa, Yoova pale irab di tisob timatmaat.
39 Yoova, ye Volaaŋa to tamtoghon deŋiadi.
40 Ye iuluul di, ve ipaspas di tivot pa pataŋani todi.