1 Majima Mukama akukolelagha Banai̱saaleeli̱ bilungi,
2 Bhaatu si̱ye, bighele byanje bikaba bili haai kutelebuka.
3 nanga nkaghilila etima bantu abali na myepanko,
4 Tabakubaagha na bijibu,
5 Tabakubona-bonagha nga bantu banji
6 Nahabweki myepanko yabo eli nga kakwanji balu̱wete mu bikiya.
7 Bisabu bibabhi̱mbi̱i̱ye maaso,
8 Bakusekeelelagha bantu banji kandi babu̱gha bintu bi̱bhi̱i̱hi̱ye.
9 Baku̱bu̱ghaghʼo kubhi Luhanga oghu ali mu eghulu,
10 Nankabha bantu aba basaakaaye batiyo,
11 Bantu babhi aba bakughilagha bati, “Luhanga akumanya ati̱ya?
12 Mulole bantu babhi aba,
13 Nkaluhila busa kuukala ndi na mutima ghusemeeye
14 Nkubona-bonagha kilo kyona
15 Nguli naabu̱ghi̱ye bintu bi̱bhi̱i̱hi̱ye nga ebi,
16 Nkalengʼo kwetegheeleli̱ya ekikulekagha bantu babhi bakula-kulana,
17 ku̱hi̱ki̱ya obu naaghendi̱ye mu numba yaawe ehi̱ki̱li̱i̱ye.
18 Majima okubata mu ki̱i̱kalo kiteleeye
19 Okubahwelekeeleli̱ya bwangu
20 Ai̱ Mukama, bakubaabululuwa nga ndooti̱ eghi muntu akulootagha.
21 Bwile bumui nkaaghu̱wa ntamu̱u̱we
22 Nkaba mudhoma kandi oghu ateetegheleei̱ye,
23 Bhaatu tanaku̱lu̱ghi̱yʼo
24 Okumpabulagha na magheji ghaawe,
25 Mu eghulu nuuwe ndi naawe wenkaha.
26 Mutima kandi mubili ghwanje bikugubha kuceka.
27 Abaku̱seli̱yʼo bakuhwelekeelela.
28 Bhaatu si̱ye, nkilungi kuukala haai-haai naawe Luhanga.