1 Ai̱ Luhanga, wooleke mukama waatu bwengani̱ja bwawe
2 Omukoonele ku̱twi̱la bantu baawe misango mu mulingo ghu̱hi̱ki̱ye
3 Oleke bantu abaakaaye haa myena kandi bwena,
4 Okoonele mukama kulwanilila banaku,
5 Oleke ahangaale bilo nʼebilo,
6 Oleke mukama oghu abe nga mbu̱la ekwete kutoona mu misili
7 Mu bwile obu akumala analemi̱ye oleke bantu beeyongele kuba bahi̱ki̱li̱i̱ye,
8 Oleke aleme ku̱lu̱gha haa nanja ku̱hi̱ka haa nanja,
9 Bantu abali mu elungu bateeli̱ye mu maaso ghe
10 Bakama bʼomu ehanga lya Talasi̱i̱si̱ kandi na mahanga ghaseli̱ye,
11 Bakama boona bateeli̱ye mu maaso ghe
12 Akucungula abali mu bwetaagho abakumubilikila,
13 Akughilila kisa baceke kandi na bantu abali mu bwetaagho
14 Akubacungula mu bakwete kubabona-boni̱ya kandi abakubaleeteleja butabanguko,
15 Mukama oghu ahangaale!
16 Oleke ehanga liye libe na byokuliya bikani̱ye
17 Li̱i̱na liye lihangaale bilo nʼebilo,
18 Mu̱si̱i̱me Mukama, Luhanga wa I̱saaleeli̱,
19 Mu̱si̱i̱me li̱i̱na liye lya ki̱ti̱i̱ni̱sa bilo nʼebilo!
20 Kuni niikuwo kumaliilila kwa nsaala sya Dhau̱dhi̱, mutabani̱ wa Yese.