1 Wamagheji oghu eetegheleei̱ye,
2 Aamiliiye haagu̱u̱li̱ ya bwena
3 Ali haai na maageeti̱ ghaa kibugha
4 “Nkwete kubilikila bu̱li̱ muntu
5 Enu̱we abali na magheji ghakee,
6 Mu̱tegheeleli̱ye bighambo bisemeeye
7 Nku̱bu̱ghagha majima,
8 Byona ebi nku̱bu̱gha na kanu̱wa kanje bi̱hi̱ki̱ye,
9 Byona bi̱hi̱ki̱ye ewaa oghu eetegheleei̱ye
10 Okomemu ebi nkukulaghila mu ki̱i̱kalo kya siliva
11 Ni̱i̱si̱ye magheji, nsaai̱ye mabaale ghaa muhendo,
12 Ni̱i̱si̱ye magheji, ndi na kwetegheeleli̱ya,
13 Ku̱hu̱ti̱ya Mukama ni kwoha kibhi.
14 Ni̱i̱si̱ye nkuhabulagha kandi ndi na magheji ghasemeeye,
15 Nkukoonelagha bakama kulema
16 Nkukoonelagha balemi̱ baa munsi,
17 Abaku̱ndi̱ye siye, nanje niibo nku̱ndi̱ye,
18 Ni̱i̱si̱ye nkuhaagha bantu buguudha, kubahu̱ti̱ya,
19 Ebi nkuhaagha bisaai̱ye feeja esemeleeye kimui
20 Nkukolagha ebi̱hi̱ki̱ye
21 Abaku̱ndi̱ye siye nkubahaagha buguudha
22 Ni̱i̱si̱ye nkaba kintu kyʼoku̱du̱bha eki Mukama aahangi̱ye ku̱lu̱gha hambele,
23 Nkakoluwa ku̱lu̱gha hambele,
24 Nkabʼo maananja ghatakabaayʼo
25 Nkabyaluwa myena etakahangu̱u̱we
26 Nkaba ndiyo obu Luhanga aabaagha atakahangi̱ye nsi, kedha kutaamu misili
27 Nkaba ndiyo obu aataagha bu̱li̱ kintu mu mwanya
28 Nkaba ndiyo obu aataagha bicu mu mwanya
29 Nkaba ndiyo obu aataaghʼo mitaano ya maananja ghanamulito,
30 Nkaba ndi haai naye,
31 Nsi eghi aahangi̱ye ekandheedha
32 Nahabweki baana banje, mu̱ntegheeleli̱ye.
33 Mu̱u̱ghu̱we ebi nkubahabula niikuwo mube bagheji
34 Ali na mu̱gi̱sa oghu aku̱tegheeleli̱yagha ebi nku̱bu̱gha,
35 Weena oghu akuntungagha,
36 Bhaatu oghu ataakuntungagha,