1 Mwana wanje, olaba nuweemeeye bhootu̱ syawe,
2 ebi waabu̱ghi̱ye na kanu̱wa kaawe
3 Mwana wanje, oghende okole kini niikuwo weejune,
4 Otasi̱i̱ma kughwesaghila,
5 Weejune nga mpala ekuuluka mu̱hi̱i̱ghi̱
6 Uwe mughala weeghele haa nkubebe,
7 Tasili na mwebembeli̱, mukama,
8 bhaatu mu bwile bwa kyanda,
9 Uwe mughala okughwesaghila ku̱hi̱ki̱ya dhi̱?
10 Mughala akughilagha ati, “Oleke ndangaalʼo kati̱i̱,
11 Bhaatu ngoku okweyongela kughwesaghila,
12 Muntu mubhi kandi oghu atali na mughaso,
13 Akuukalagha naalolakaka,
14 Akuukalagha naategheka kukola bintu bi̱bhi̱i̱hi̱ye haa mutima ghuwe,
15 Nahabweki kubona-bona ku̱li̱mu̱hi̱kʼo bwangu,
16 Haliyo bintu mukaagha ebi Mukama oohi̱ye,
17 Maaso ghaamyepanko, kanu̱wa akakuhaagha bisubha
18 mutima oghu̱kweli̱li̱kanagha kukola bintu bi̱bhi̱i̱hi̱ye
19 kuha buukai̱so bwa bisubha
20 Mwana wanje, ooghu̱waghe bilaghilo bya so waawe
21 Obihandiike haa mutima ghwawe
22 Bilakuhikilagha oli mu lughendo,
23 Bilaghilo ebi kandi nʼebi tukwete ku̱kwegheesi̱ya,
24 Bikukulinda kwetantala mukali̱ mubhi
25 Kusemela kuwe kutakwohi̱ya
26 Mukali̱ malaaya akukuha bunaku,
27 Muntu anguheeka mulilo haa ki̱ku̱bha
28 Muntu angukpeeta haa makala ghaaki̱ye,
29 Kili kitiyo nʼoghu akulangaalagha na mukali̱ wa baanini
30 Bantu tabakughayagha musuma oghu aabhi̱ye byokuliya,
31 Bakaakumukwatagha, bamusasu̱li̱ya ebi aabhi̱ye milundi musanju̱
32 Musaasa oghu aku̱syanagha na mukali̱ wa baanini, taali na magheji,
33 Mbaamukwete, baku̱mu̱hu̱taali̱ya kandi bamuswaje
34 Bali̱i̱ wa mukali̱ oghu kusaaliluwa kukuleka asaakalile kimui
35 Taaliyo sente sikani̱ye esi aku̱si̱i̱ma kumuha,