1 Dawuda xa bɛɛti
2 Ala, n bara natɛ tongo n bɔɲɛ kui.
3 N n ma kɔrae nun n ma maxasee berema nɛ subaxɛ ma.
4 N Marigi, n i batuma nɛ sie tagi,
5 barima i xa dugutɛgɛɲa gbo dangi koore ra,
6 Ala, i xunyi rakeli koore ma,
7 alako i xanuntenyie xa kisi i sɛnbɛ saabui ra.
8 Ala bara wɔyɛn a xa lingira sɛniyɛnxi kui,
9 N gbe nan Galadi ra, n gbe nan Manasi ra.
10 N n sanyi maxama Mowaba bɔxi ma,
11 «Nde n xun tima taa makantaxi ra?
12 Ala mu a ra, naxan muxu rabɛɲinxi gere kui?
13 I xa fa muxu malide, i xa muxu ba muxu yaxuie yi ra.
14 Won fama won sɛnbɛ raminide Ala xa mali saabui ra.