1 Wo Alatala tantu, barima a fan,
2 Alatala naxan xun sara,
3 a naxee raminixi sie tagi sogetede nun sogegorode mabiri,
4 Ndee lɔɛxi gbengberenyi ma,
5 Kaamɛ nun ye xɔli nu e halakima,
6 E to e dɛ rawa Alatala bɛ e xa tɔɔrɛ kui,
7 A naxa e raɲɛrɛ kira tinxinxi nde xɔn ma,
8 E xa Alatala tantu a xa xanunteya xa fe ra,
9 barima a ye xɔli bama mixie ma,
10 Ndee nu sabatixi dimi kui nun faxɛ xa nɔɛ bun ma,
11 Barima e muruta nɛ Ala xa masenyi xili ma,
12 A naxa e bɔɲɛ mafiixɛ tɔɔrɛ ra.
13 E naxa Marigi maxandi nimisɛ kui,
14 A naxa e ramini dimi kui nun faxɛ xa nɔɛ bunma,
15 E xa Marigi batu a xa dugutɛgɛɲa xa fe ra,
16 Barima a bara wure naadɛe wuru,
17 Xaxilitaree nu bara e yɛtɛ suxu e xa murutɛ nun e xa fe ɲaaxie ra, e lu nimisɛ kui.
18 Donse birin bara nu raɲaaxu e ma,
19 E xa na xɔrɔrɔɛ kui, e naxa e xui rate Alatala ma,
20 A naxa a xa masenyi rasanba e ma, a e rayalan,
21 E xa Marigi tantu a xa dugutɛgɛɲa nun a xa wali makaabaxie xa fe ra adamadie bɛ.
22 E xa sɛrɛxɛe ba a xa wali fanyie kolon fe ra a bɛ.
23 Naxee nu biyaasima kunkui xungbee kui baa ma,
24 nee bara Marigi wali fɔxie
25 A naxa masenyi ti, turunnaadɛ foye naxa keli
26 a nu biyaasilae xa kunkui ite a nu a sin,
27 E xun naxa magi a ra e naxa lu alɔ siisilae.
28 E xa nimisɛ kui e naxa Marigi xili e xui itexi ra,
29 A naxa turunnaadɛ foye iti, a a masabari,
30 E naxa sɛɛwa nee xa maraxarɛ ra,
31 E xa Marigi tantu a xa dugutɛgɛɲa nun a wali makaabaxie xa fe ra adamadie bɛ!
32 E xa a xa fe gbo ɲama bɛ,
33 A xure xungbee masarama gbengberenyi ra,
34 A bɔxi fanyi findima fɔxɔɛ yire ra,
35 A gbengberenyi findima xure ra
36 a kaamɛtɔɛe rasabati naa,
37 E xɛ sama, e wuri bilie sima
38 A dubama e bɛ, e wuya,
39 Ndee gbee xurunma,
40 A maraɲaaxui dusuma forie xun na,
41 A misikiinɛe bama tɔɔrɛ kui,
42 Mixi tinxinxie na toma e ɲɛlɛxinma a ra,
43 Xaxilima naxan na, a xa a ɲɔxɔ sa yi fe birin xɔnma,