1 Wo xa Alatala matɔxɔ.
2 Nde Alatala xa wali xungbe masenma,
3 Sɛɛwɛ na tinxintɔɛe bɛ,
4 Alatala, i xa ratu n ma i hinnɛma i xa ɲama ra tɛmui naxɛ,
5 alako n xa i xa mixi sugandixie xa hɛri sɔtɔ,
6 Muxu bara yunubi raba alɔ muxu benbae,
7 Muxu benbae to nu na Misira bɔxi ma,
8 Kɔnɔ a naxa e rakisi a xili xa fe ra,
9 A to xaaɲɛ Xulunyumi baa ma, a naxa xɔri,
10 A naxa e rakisi e xɔnmixie bɛlɛxɛ i,
11 Ye naxa dusu e yaxuie xun na,
12 Na kui e naxa la a xa masenyi ra, e a matɔxɔ bɛɛti ra.
13 Kɔnɔ a mu bu, e man naxa nɛɛmu a xa walie ma,
14 E naxa bira e yɛtɛ waxɔnfe fɔxɔ ra gbengberenyi ma,
15 A naxa e waxɔnse so e yi ra,
16 Ala xa ɲama naxa Munsa nun Haruna tɔɔnɛ,
17 Bɔxi naxa a rabi,
18 Tɛ naxa e fɔxirabirɛ ɲaaxie gan.
19 E naxa ninge misaali yailan wure ra,
20 Ninge naxan sɛxɛ donma,
21 E naxa nɛɛmu e Rakisima Ala ma,
22 naxan kaabanakoee raba Hami bɔxi ma,
23 Ala nu wama e sɔntɔfe,
24 E naxa tondi a xa bɔxi fanyi suxude, e mu la a xa laayidi ra.
25 E naxa ti Alatala kanke e xa kiri banxie kui, e mu a xui suxu.
26 Na kui a naxa laayidi tongo e bɛ,
27 a xa e bɔnsɔɛ faxa ɲamanɛe tagi,
28 E naxa Bali Peyori batu,
29 E naxa Ala raxɔnɔ e xa fe kobie ra,
30 Finexasi to keli, a naxa Ala maxandi e bɛ,
31 Mixi naxa na tinxinyi kolon a bɛ abadan.
32 Alatala xa ɲama naxa a raxɔnɔ Meriba xure fɛ ma.
33 a to wɔyɛn xɔrɔxɔɛ fala e xa Ala matandi xa fe ra.
34 E mu Kanaan sie sɔntɔ alɔ Alatala e yamari ki naxɛ.
35 E naxa sabati e ya ma, e bira e naamunyie fɔxɔ ra.
36 E naxa nee xa kuyee batu, na fa findi gantanyi ra e bɛ.
37 E naxa e xa di xɛmɛe nun e xa di ginɛ ba sɛrɛxɛ ra ɲinnɛe bɛ.
38 E to e xa die faxa sɛrɛxɛ ra Kanaan xa kuyee bɛ,
39 E e yɛtɛ findi mixi sɛniyɛntare ra na ki nɛ,
40 Na kui Alatala naxa xɔnɔ a xa ɲama ma,
41 A naxa e rabolo si gbɛtɛe yi ra,
42 E yaxuie naxa nɔ e ra,
43 Sanya wuyaxi Ala naxa e rakisi,
44 Kɔnɔ Ala naxa e tɔɔrɛ to,
45 A naxa ratu a xa saatɛ ma,
46 A naxa a niya mixie xa kinikini e ma konyiya kui.
47 Muxu Marigi Alatala, muxu rakisi.
48 Tantui na Isirayila Marigi Alatala bɛ abadan!