1 N ma di, xa i i yɛtɛ taanixi i boore nde bɛ,
2 xa i i yɛtɛ raxɛtɛnxi i xa wɔyɛnyi nde ra,
3 n ma di, i xa fe birin naba i yɛtɛ raminide a kui,
4 I naxa xi de, na raba keren na.
5 I i yɛtɛ ratanga yi fe mɔɔli ma,
6 Tunnaxɔnɛ, siga dondoli yire.
7 Mangɛ mu na dondoli bɛ,
8 kɔnɔ a walima sogofure tɛmui,
9 I tan tunnaxɔnɛ, i i sama han mun tɛmui?
10 Xixɔli na i suxu, i na kinsɔn, i na i sa,
11 setareɲa fan fama nɛ i suxude tɛrɛnna ra,
12 Fuyante mu tinxin, a wule raɲɛrɛma a dɛ i nɛ.
13 A luma a ya magira ra,
14 Fe ɲaaxi na a xaxili kui,
15 Na kui kasarɛ fama nɛ a suxude,
16 Fe senni na Alatala naxee xɔnxi,
17 yɛtɛ igboe xa mixi mato ki,
18 bɔɲɛ naxan fe tinxintare maɲɔxunma,
19 seede naxan wule falama,
20 N ma di, i baba xa sɛriyɛ ragata,
21 E xa lu i bɔɲɛ kui tɛmui birin, e xiri i kɔn ma.
22 E i raɲɛrɛma nɛ i xa duniɲɛigiri kui,
23 Na sɛriyɛ findixi lanpui nan na,
24 E i ratangama ginɛ kobi ma,
25 I naxa wa na ginɛ xɔn ma a xa tofanyi ma,
26 Langoe ginɛ naxan mu na xɛmɛ taa, a mixi findima setare nan na,
27 Mixi nde nɔma tɛ tongode, a a sa a yuba kui,
28 Mixi nde nɔma a ɲɛrɛde tɛ wole tagi,
29 Na maniyama nɛ alɔ xɛmɛ naxan yabuma ginɛ xɛmɛ taa idɔxɔɛ ra.
30 Mixi mu yoma muɲɛti ma,
31 kɔnɔ a na suxu fo a xa muɲafe sare fi,
32 Kɔnɔ xaxilitare nan tun yɛnɛ rabama ginɛ ra.
33 A fe xɔrɔxɔɛ sɔtɔma nɛ yaagi kui,
34 barima tɔɔnɛ xɛmɛ bɔɲɛ ratema nɛ a ɲaaxi ra.
35 A bɔɲɛ mu goroma kɔbiri ra.