1 N ma di, mɛɛni n ma lɔnni ma,
2 alako i xa fahaamui sɔtɔ,
3 Langoe xa wɔyɛnyie ɲɔxun alɔ kumi,
4 kɔnɔ a raɲɔnyi xɔnɔ alɔ meli,
5 A sanyie a xun tima gbaloe ra,
6 A mu luma simaya kira xɔn ma.
7 Yakɔsi, n ma di, i i tuli mati n na,
8 I makuya langoe xa kira ra,
9 alako binyɛ naxa ba i ma,
10 Xa na mu a ra mixi gbɛtɛe nan lugama i harige ra,
11 i i xa simaya raɲɔn tɔɔrɛ kui,
12 I a falama nɛ kɔrɛ,
13 Munfe ra n mu n tuli mati n karamɔxɔɛe ra,
14 N fa na tɔɔrɛ birin dɔnxɔɛ nan kui yi ki ɲama ya xɔri.»
15 Ye min, naxan minima i yɛtɛ xa kɔlɔnyi ra.
16 I naxa tin i xa kɔlɔnyi ye xa goro mixie bun ma,
17 Na ye xa findi i keren nan gbe ra,
18 Barakɛ xa lu i xa kɔlɔnyi ma,
19 I xa ginɛ tofan alɔ bole, a fan alɔ xeli.
20 N ma di, i birama mixi gbɛtɛ xa ginɛ fɔxɔ ra munfe ra?
21 Alatala adama ɲɛrɛ ki birin kolon.
22 Mixi ɲaaxi xa wali ɲaaxie nan a suxuxi,
23 A xa xurutareɲa nan a niyama a faxa,