1 Ayuba naxa a yaabi,
2 «Duniɲa xui nan na wo kɔn na.
3 Kɔnɔ n tan fan, xaxili na n bɛ alɔ wo tan.
4 N na Ala maxandi,
5 Mixie naxee mu na tɔɔrɛ kui, e yoma tɔɔrɔmixi xa tɔɔrɛ ma.
6 Kɔntɔfili yo mu na muɲɛtie xɔnyi.
7 Maxɔrinyi ti subee ma wula i, e xa i ralɔnni.
8 Bɔxi mato, na fan xa findi lɔnni ra i bɛ.
9 E birin a kolon Alatala fɔxi nan na ki.
10 Daalise birin nii na a xɔnyɛ i,
11 Adama xa a ɲɔxɔ sa yi masenyie xɔn ma,
12 Lɔnni na forie yi ra,
13 Lɔnni nun sɛnbɛ na Ala nan yi ra,
14 Xa Ala se kana, a mu nɔma rafalade sɔnɔn.
15 Xa Ala kankan tunɛ ma, se birin xarama nɛ.
16 Sɛnbɛ nun nɔndi na a tan nan yi ra.
17 A nɔma marasimae suxude,
18 Mangɛ yɔlɔnxɔnyi naxan saxi mixie ma,
19 Ala sɛrɛxɛdubɛe xaninma konyiya kui,
20 A masenyi bama marasimae yi, a forie xa lɔnni mafindima.
21 A kuntigie rayaagima, a sɛnbɛmae igoroma.
22 A gundoe makɛnɛnma, a dimi findi naiyalanyi ra.
23 A ɲamanɛe xun nakelima, a man e xun nakana.
24 A xaxili bama ɲamanɛe mangɛe yi ra,
25 E luma alɔ dɔnxuie naxee mu naiyalanyi toma,