1 «N ma duniɲɛigiri bara raɲaaxu n nii ma.
2 N bara a fala Ala bɛ, I naxa n suxu.
3 N tɔɔrɔfe rafan i ma,
4 I fe to ki mu makuya adamadi fe to ki ra?
5 I xa simaya maniya adamadi gbe ra?
6 I n tɔɔrɔfe munfe ra?
7 I ɲan n ma tinxinyi kolon,
8 I tan nan n daaxi, i tan nan n sɔntɔma.
9 I xa ratu a ma a i n daaxi bɛndɛ nan na.
10 I bara n yailan alɔ mixi
11 I bara n fate birin yailan,
12 I bara n ma simaya xɔn kuya, i bara hinnɛ n na,
13 «Kɔnɔ yakɔsi n bara a kolon
14 I bara wa n ma yunubi tofe,
15 Xa yunubi na n ma, ɲaxankatɛ na n bɛ.
16 Xa n sa n xunyi rakeli,
17 I xa xɔnɛ na xun masafe n ma fe ra,
18 I n naminixi n nga tɛɛgɛ i munfe ra?
19 n mu baloma nu, n nu tongoma nɛ n nga tɛɛgɛ,
20 Naxan luxi n ma simaya ra, a mu gbo sɔnɔn.
21 beenu n xa siga aligiyama, dimi na dɛnnaxɛ.
22 Dimi xungbe na aligiyama.