1 Ɲaxankatɛ na gulunba bɛ toe tima dɛnnaxɛ.
2 Singe wo nu xulunyi rabama, wo nu wo xui ite ɲɛlɛxinyi kui,
3 Wo xa mangɛe nan tun e gixi e siga yire makuye.
4 Na kui n naxa a fala, «Wo n lu na, n xa wa a xɔrɔxɔɛ ra.
5 Alatala Sɛnbɛma xa lɔxɔɛ ya isoxi nan nu a ra,
6 Elamakae e xa xali sase gbakuma e ma,
7 Sɔɔri nu bara wuya wo xa gulunba fanyie kui,
8 Sese mu luxi wo nun wo yaxuie tagi sɔnɔn.
9 Wo naxa a to yale gbegbe nu bara ti Dawuda xa taa tɛtɛ ma.
10 Wo naxa Darisalamu banxie mato, wo fa nde rabira alako wo xa tɛtɛ sɛnbɛ so.
11 Wo naxa ye ragatade yailan tɛtɛ firinyie tagi,
12 N Marigi Alatala nu bara xili ti na lɔxɔɛ ɲama xa wa sunnunyi kui,
13 Kɔnɔ wo mu tin na ra, wo naxa xulunyi ti ɲɛlɛxinyi kui,
14 Alatala Sɛnbɛma bara a masen n bɛ, a naxɛ,
15 N Mangɛ Alatala naxa a masen n bɛ, a naxɛ,
16 ‹I gbe na munse ra be?
17 A gbe mu luxi, Alatala xa i suxu, a xa i woli yire makuye.
18 a i woli bɔxi belebele nde ma.
19 N i kerima nɛ i xa walide,
20 «Na lɔxɔɛ n Xilikiya xa di Eliyakimi xilima nɛ, a xa n ma wali raba.
21 N i xa mangɛ guba ragoroma nɛ a ma, n i xa bɛlɛti xiri a tagi, n fa i xa mangɛya fi a ma. A findima Darisalamukae nun Yudayakae baba nan na.
22 N Dawuda xa mangɛya saabi soma nɛ a yi ra. A na naadɛ nde rabi, mixi yo mu a balanma. A na naadɛ nde balan, mixi yo mu a rabima.
23 A fama nɛ binyɛ ra a baba bɔnsɔɛ bɛ. N a tima nɛ alɔ wuri di naxan banbanxi a fanyi ra banxi bili ma,
24 a baba bɔnsɔɛ xa fe birin gbakuma naxan na, fe xunxurie nun fe xungbee.»
25 Mangɛ Alatala man naxa a masen, «Kɔnɔ lɔxɔɛ nde na wuri di naxan nu banbanxi a fanyi ra banxi bili ma, a fama nɛ bolonde, a bira a nun fe naxan birin nu gbakuxi a ra.» Alatala xui nan na ki.