1 Sofar, Naama boraa zaabi ka nee:
2 «Woo se ay lakkaloo gʼay tuti ya šelaŋ,
3 Ay ga maa citey kaŋ gʼay wow,
4 Nʼsi bay kaŋ za waati kul,
5 boro futawey ɲaali kaatoo si kuu,
6 Nda a kuu ka too hala beenaa,
7 a ga dere hala abada sanda nga žiiboo,
8 A ga dere sanda handiri,
9 Moɲey kaŋ ga dii a si yee koyne ka dii a,
10 Nga izʼarey ga hima ka talkey bana,
11 Gaahamoo saabu sanda zanka,
12 Nda ifutu ga kan miɲoo ra,
13 nda a nʼa dii, a manʼa naŋ,
14 nga ŋaahayaa ga barmay teeley ra,
15 Almanoo kaŋ a nʼa gon, a gʼa yeeri,
16 A ga firsaw naajoo sunsum,
17 A si yee ka dii gooruyaŋ kaŋ ra hari goo,
18 A ga hayaa willi kaŋ a duu a, a sʼa dii,
19 Zama a na talkey motti kʼi naŋ,
20 A mana wasa nga haya bajoo ra,
21 Haya kul si hallasi nga ŋaayan bajoo ra,
22 Nga alman boobaa game binemarayyan ga duu a,
23 Ka gar a goo ma nga boŋ kungandi,
24 Nda a zuru ka hun guuru wongu jinayyaŋ cire,
25 Nda a gʼa hoobu kʼa kaa nga dumaa ga,
26 Kubawey kul margandi nga almanoo se,
27 Beenaa ga nga layboo cebe kaaray,
28 Nga hugoo hayey ga tuusandi,
29 Woo ti bagaa kaŋ Irkoy gʼa kayandi boro futu se,