1 Ayuba zaabi ka nee:
2 «Hala waati foo no war ga koy a ga kʼay hundoo maray,
3 Nga ne, cee woy (10) war gʼay wow,
4 Nda cimi no kaŋ ya nka dere,
5 Nda cimi no kaŋ war nka tun ya ne,
6 war ma bay kaŋ Irkoy no mʼay laazaaba,
7 Nda ay kaati ka ciya kaŋ ay torro,
8 A na fondaa daabu ya ne, ay si hin koyne ka bisa,
9 A nʼay daržaa kaa ay ga,
10 A gʼay kayri nongoo kul here, ay ga koy,
11 A futu ay ga,
12 Nga wongu-ize jamawey ga kaa cere bande,
13 A na agay armey moorandi agay,
14 Ay boro maanay nʼay naŋ,
15 Ay hugoo yawey nda ay koŋŋey
16 Ay gʼay tamoo cee, a si tuuru ya ne,
17 Ay wandoo si hin ay meehewoo,
18 Ba zankayaŋ gʼay kaynandi,
19 Borey kaŋ ga ay gʼay sirrey talfi nʼay harram.
20 Ay birey denja ay kuuroo nda ay hamoo ga,
21 Ay cerey, war, wa alhormo tee ya ne, wa alhormo tee ya ne,
22 Macin se war ga hanga agay sanda takaa kaŋ Irkoy gʼa tee?
23 He! Nda a gar ay šenney mma hantumandi,
24 Nda a gar i nka žeerandi tondi ra
25 Agay, ay ga bay kaŋ ay faasakaa ga huna,
26 Ay kuuroo halaciroo banda ga,
27 Agay, ay ga kaa ka dii a,
28 Waati kaŋ war nee: ‹Taka foo nda ir gʼa gaaray?
29 Aywa, war hunday ma hunbur takuba,