1 Sing nyuwan song langa YAWEI det trubala God.
2 Sing langa YAWEI en preisim im.
3 Dalimbat pipul langa ebri kantri im brabli haibalawan,
4 YAWEI det trubala God im haibalawan en pipul garra preisim im.
5 Detlot drimin blanga najalot kantri olabat laiyawan, weya pipul bin meigimbat,
6 Im brabli haibala pawa gaburrumap im raidaran.
7 Ola pipul langa dijan wel preisim YAWEI det trubala God.
8 Preisim det haibala neim blanga YAWEI.
9 Ebribodi langa dijan wel garra meigim miselp lobala en weship langa YAWEI det brabli haibalawan.
10 Dalim pipul langa ola kantri, “YAWEI im boswan!
11 Graun en skai, jidan gudbinji.
12 Ola kantri en ebrijing weya jidan langa olabat, jidan gudbinji.
13 Wen YAWEI kaman blanga jidan boswan langa dijan wel,