1 YAWEI det trubala God im Brabli Boswan!
2 Ola klaud en det dakbala jidan raidaran langa YAWEI.
3 Det faiya go lida langa im en barnimap ol im enami olabat.
4 Ola laitining blanga im shainimap dijan wel, en wen ola pipul luk tharran, im meigim olabat sheik nomo lilbit.
5 Ola hil meltap lida langa YAWEI.
6 Ebrijing langa skai shoum det raitwei blanga im.
7 Ebribodi hu weshipbat ola drimin sheip, en hu jidan praudbala blanga olabat drimin, garra sheim miselp.
8 Detlot pipul brom Jerusalem en ola taun langa Juda jidan gudbinji,
9 YAWEI, yu na det Boswan God en yu jidan boswan blanga dijan wel.
10 YAWEI laigim ol detlot pipul hu nomo laigim dumbat brabli nogudbala ting, en hu nomo laigim wen najalot pipul dumbat nogudbala ting du.
11 God im oldei deya langa det lait seimwei laik im oldei gibit gudbala ting langa detlot pipul hu oldei dumbat ola rait ting,
12 Ol yumob pipul hu jidan raitwei,