1 Kaman yumob! Wi garra preisim YAWEI det trubala God.
2 Wi garra kaman langa im en tok theingkyu,
3 YAWEI im det brabli haibalawan God.
4 Im jidan bos blanga dijan wel.
5 Im bos blanga solwoda en dijan graun weya imbin meigim imselp.
6 Kaman yumob! Wi garra nildan langa im en weship im.
7 Im na wi God,
8 “Nomo jadimap miselp hat wulijim yumob femili olabat bin dum bifo langa det kantri Meriba, en det taim langa Mesa det deset kantri.
9 Deya na deibin oldei grambulbat en aibin gitwail langa olabat.
10 Blanga 40 yiya ai nomo bin gudbinji langa detlot pipul.
11 Aibin gitwail en aibin meigim dijan strongwan pramis langa olabat,