1 YAWEI, yu det God hu oldei panishim ol detlot jigiwan bos.
2 Yu na oldei jadjimbat melabat holot.
3 Haulong detlot nogudbala pipul garra jidanabat gudbinjiwei?
4 Haulong detlot pipul hu dumbat nogudbala ting garra kipgon laigimbat miselp en jidanbat praudbalawei wen dei dumbat detlot nogudbala ting?
5 Dei jidan jigiwan bos en meigim yu pipul olabat adwek brabliwei, YAWEI.
6 Dei kilim ded ola widogel en detlot biginini hu nomo garram mami en dedi.
7 En dei tok, “YAWEI nomo luk wi. Det God blanga Isreil nomo sabi wanim wi dumbat.”
8 Main pipul olabat, yumob brabli siliwan pipul.
9 God bin meigim wi irriwol, bat yumob reken God kaan irrim yumob!
10 Im graulim ola pipul langa najalot kantri, bat yumob reken im kaan panishim ola wikitwan bos blanga wi!
11 YAWEI sabi wanim detlot pipul jinggabat,
12 YAWEI, ol detlot pipul hu irrim yu en weya yubin titjimbat olabat ol yu lowa garra jidan gudbinjiwei.
13 Yu larram ol detlot hu irrim yu abum spel brom ola trabul raidap det taim weya yu redi blanga binijimap detlot nogudbala pipul.
14 YAWEI kaan neba gibit bekboun langa im pipul olabat.
15 Langa ola kothaus ebribodi garra abum feyago igin,
16 Hubin jandap blanga mi langa ola nogudbala pipul?
17 If YAWEI nomo bin album mi, ai bina godan langa det pleis weya ola dedbala pipul oldei go.
18 Aibin tok, “Mi buldan”,
19 Wen mi hatjamp en wori,
20 Yu nomo laigim ola nogudbala jadj hu oldei gibit adtaim langa pipul.
21 Dei meigim plen blanga ardimbat ola gudbala pipul,
22 Bat YAWEI maindimbat mi, jis laiga seifwan haus.
23 Im garra panishim olabat blanga ola brabli nogudbala ting deibin dumbat en im garra binijimap olabat brabliwei.