1 God, yu stakmen blanga ola Isreil pipul.
2 Yu shoum miselp langa detlot klen blanga Ifreiyim, Benjamin, en Manesa.
3 God, meigim melabat strongbala igin!
4 YAWEI, Boswan God, haulong yu garra jidan wail en nomo ensim ola preya blanga yu pipul olabat?
5 Yubin meigim melabat jidan brabli nogudbinjiwan.
6 Yubin larram melabat enamimob fait blanga melabat kantri,
7 Brabli Boswan God, meigim melabat strongbala igin!
8 Yubin bringimat yu pipul olabat jis laiga greiptri brom det kantri Ijip.
9 Yubin klinimap pleis blanga det greiptri blanga growap.
10 Imbin gaburrumap ola hil garram im bigwan sheid.
11 Detlot wadi blanga det tri bin kamat langa det Medatareiniyan solwoda en langa det Yufreitis Riba.
12 God, wotfo yubin larram detlot enami blanga ola Isreil pipul breigimdan det wol weya bin jidan raidaran?
13 Olabat jis laik detlot wailwan bigibigi weya rudimat det greiptri,
14 Brabli Boswan God, luk langa melabat!
15 Yu kaman en seibum dijan greiptri weya yubin plentim,
16 Melabat enamimob bin kadimdan det tri en barnimap garram faiya.
17 Yu lukaftum yu pipul olabat weya yubin pikimat,
18 En melabat kaan gowei brom yu igin.
19 YAWEI, boswan God, yu meigim melabat strongbala igin.