1 Main pipul, yumob irrim main wed en teiknodis wen mi tok.
2 Ai garra tok ola gudbala wed blanga meigim pipul sabi brabliwei,
3 ola ting na wibin sabi en irrimbat brom wi dedimob.
4 Wi garra dalimbat wi bigininimob en blanga olabat bigininimob blanga det pawa blanga YAWEI,
5 Imbin gibit ola lowa langa ola Isreil pipul hubin kaman brom olabat grengrenfatha Jeikob.
6 wulijim detlot bigininimob hu garra jidan bambai gin sabi,
7 Wen dei lagijat dei garra trastimbat God du,
8 Olabat kaan jidan wulijim olabat grengrenfathamob hubin jidan brabli nogudbala en nomo garram irriwol.
9 Detlot pipul brom Ifreiyim bin abum bo en erro redibala,
10 Olabat nomo bin kipum det strongwan pramis blanga olabat langa God.
11 Deibin fogedabat wanim imbin dum, ol detlot klebabala ting weya deibin luk imbin dumbat.
12 God bin dum ol detlot klebabala ting garram im pawa langa det plein kantri gulum Sowan, langa det kantri Ijip.
13 Imbin opinimap det solwoda en imbin deigim detlot pipul thru.
14 Deitaim imbin oldei lidim olabat garram klaud,
15 Imbin opinimap bigwan ston en imbin gibit olabat detmatj woda.
16 Imbin meigim woda kamat brom det ston,
17 Bat deibin stil dumbat nogudbala ting langa God.
18 Deibin testimat God brabliwei wen deibin dalimbat im wanim deibin wandim blanga dagat.
19 Deibin tokabat langa God en deibin tok,
20 Trubala orait imbin hitim det ston en detmatj woda bin kamat,
21 Blanga tharran na YAWEI bin brabli wail wen imbin irrim olabat toktok lagijat.
22 dumaji dei nomo bin trastim im,
23 Bat imbin tok langa det skai blanga opinap im en imbin opin.
24 Imbin gibit olabat sid daga brom hebin wen imbin gibit olabat det lilwan damba gulum mena blanga dagat.
25 Wal lagijat na deibin dagat det seimkain daga blanga ola einjul,
26 Imbin meigim det win blo brom sangidapwei,
27 En imbin jandim langa im pipul olabat detmatj bard wulijim sengraun weya jidan langa solwoda.
28 Deibin buldanbat raidaran langa ola tent langa olabat kemp.
29 Wal detlot pipul bin dagadagatbat en deibin sedisfaid.
30 Bat wen olabat bin stil dagadagatbat bard, en dei nomo bin brabli sedisfaid,
31 God bin gitwail langa olabat en kilim ded olabat strongwan men, ol detlot brabli gudwan yangmen blanga Isreil.
32 Nomeda ol detlot ting bin hepin, detlot pipul bin kipgon dumbat ola nogudbala ting.
33 Wal imbin binijimap olabat jis laik win weya stap streidawei,
34 Ebritaim wen God bin oldei kilim ded sambala pipul, det najalot bin oldei kambek langa im.
35 Deibin sabi det boswan God na bin oldei maindimbat olabat,
36 Bat ola wed deibin oldei tok bin laiyawan.
37 Dei nomo bin gibit God rispek.
38 Bat God bin sori langa im pipul olabat.
39 Imbin sabi deibin oni pipul weya garra dai,
40 Lodataim deibin gibit im bekboun.
41 Oba en oba deibin oldei testimbat God,
42 Deibin fogedabat im strongwan pawa,
43 en wen imbin shoum ola klebabala ting imbin dum langa Sowan deya langa det kantri Ijip.
44 Imbin tjeinjim ola riba woda en meigim blad,
45 Imbin jandim loda flai langa olabat weya bin ardimbat olabat,
46 Imbin jandim ola bigwan grashopa blanga dagat olabat gadin,
47 Imbin meigim dai ola greiptri blanga olabat garram ola heilston,
48 Imbin kilim ded ola buligi blanga olabat garram heilston,
49 Imbin meigim olabat abum detmatj wori wen imbin brabli wail nomo lilbit langa olabat,
50 Im nomo bin holdimbek miselp wen imbin wail langa olabat en im nomo bin sori langa olabat du.
51 Imbin kilim ded ola boi hubin bon fes blanga ola femili langa Ijip. |alt="NTM 28" src="NTM 28.tif" size="col" ref="78:51"
52 Brom deya imbin deigim im pipul olabat jis laiga stakmen
53 Imbin lidim olabat seifwei en olabat nomo bin bradin,
54 Imbin bringimap olabat langa im seikridwan kantri,
55 Imbin andimwei detlot pipul hubin oldei jidanabat langa det kantri wen im pipulmob bin go thru deya.
56 Bat olabat nomo bin irrim langa det Boswan God en deibin testimbat im.
57 Olabat bin gibit bekboun langa im en dei nomo bin jidan trubala langa im, laik olabat grengrenfatha bin dumbat longtaim bifo.
58 Olabat bin meigim im gitwail, dumaji deibin oldei weshipbat ola drimin sheip blanga olabat langa detlot nogudwan weship pleis.
59 God bin wail wen imbin luk wanim deibin dumbat,
60 Imbin libum im kemp insaid langa det tent deya langa Shailo,
61 Imbin larram wi enamimob deigidawei det Seikridwan Boks.
62 Imbin wail garram im ronwan pipul,
63 Ola yangbala men bin gitkil langa wofait,
64 Deibin kilim ded ola wekinmen blanga God langa fait,
65 Bambai God bin gidap na, jis laik imbin weikap brom silip.
66 Imbin andimwei im enamimob brabliwei,
67 God nomo bin wandim det femili olabat blanga Josef.
68 Bat imbin pikimat det klen blanga Juda,
69 Deya na imbin bildimap im Serramoni Pleis jis laik im kemp langa hebin.
70 Imbin pikimat im wekinmen Deibid.
71 en weya imbin oldei lukaftumbat ola ship.
72 en imbin shoum olabat det raitwei blanga jidan.