1 Trubala YAWEI im brabli gudbala langa ola Isreil pipul,
2 Bat aibin gulijap nomo bilib na, jis laik aibin gulijap buldan,
3 dumaji aibin jelas langa detlot praudbala en nogudbala pipul wen aibin oldei luk ebrijing bin oldei go gudwei blanga olabat.
4 Olabat nomo ardimbat olataim.
5 Olabat nomo abumbat detlot trabul laik najalot pipul abumbat.
6 Ebridei olabat jidan brabli praudbala,
7 Brom insaid olabat adwan hat ol detlot nogudwan ting kamat,
8 Olabat oldei laflafbat en toktok nogudwei blanga pipul.
9 Olabat tok nogudbalawei blanga YAWEI hu jidan deya langa hebin.
10 en ola pipul blanga YAWEI bin bulurrum olabat,
11 Olabat oldei tok, “YAWEI det Haibalawan God nomo sabi enijing en im kaan faindat wanim wi dumbat.”
12 Lagijat na ola nogudbala pipul jidan.
13 Maitbi fo najing aibin kipum miselp klinbala en nomo bin dumbat ola nogudwan ting.
14 God, yubin meigim mi abumbat det pein oldei,
15 If ai bina tok ola nogudbala ting, wal ai nomo bina jidan laik yu pipul olabat.
16 Aibin trai jinggabat blanga sabi ebrijing blanga ola gudbala pipul en ola brabli nogudbala pipul, bat najing. Imbin brabli adwan.
17 Bat wen aibin go langa yu Serramoni Pleis, deya na aibin sabi wanim garra hepin langa ol detlot brabli nogudbala pipul.
18 Yu na YAWEI garra meigim olabat buldan en olabat garra ol binijap.
19 Streidawei olabat garra binij. Olabat kaan dai gudwei.
20 Olabat jidan jis laiga drim weya gowei wen yu gidap ailibala. YAWEI wen yu gidap, olabat binij du, jis laik det drim.
21 Wen aibin oldei jinggabat ola nogud ting, en aibin oldei ardimbat,
22 aibin jidan brabli siliwan wulijim wailwan enimul.
23 Bat stil aibin jidan gulijap langa yu,
24 Yu shoumbat mi wujei blanga go garram yu wed,
25 YAWEI, oni yu na ai garram deya ontop langa hebin.
26 Maitbi main bodi en main garra jidan wikwan,
27 Ol detlot pipul hu gibit bekboun langa yu garra binijap.
28 Bat im brabli gudwan blanga mi blanga jidan gulijap langa yu God.