1 God, yu album det king blanga kotim pipul raitwei.
2 wulijim im gin jidan bos blanga yu pipulmob raitwei,
3 Meigim dijan kantri jidan gudbalawei garram ebrijing,
4 Meigim det king kotim ola powan pipul feyago,
5 Meigim det king jidan laibala olataim,
6 Meigim det king jidan jis laik rein weya meigim ebrijing gudwan langa dijan kantri.
7 Meigim det king jidan det raitwei langa im laif olataim,
8 Larram im jidan bos blanga ola kantri brom wan solwoda raidap langa najawan solwoda,
9 Detlot pipul hu jidan langa drai kantri garra nildan lida langa im,
10 Ola king brom Tashish en brom ola ailin kantri garra gibitbat presen langa im.
11 Meigim ola king nildan lida langa im,
12 Im seibum ola powan pipul wen olabat jingat langa im,
13 Im garram soriwan filing blanga ola wikwan en ola powan pipul,
14 Im seibum olabat brom abumbat adtaim en brom faitfaitbat,
15 Trubala, longtaim im garra jidan king!
16 Larram ola sid daga jidan detmatj langa det kantri.
17 Larram pipul jinggabat det neim blanga det king olagijawan, en nomo fogedabat im.
18 Preisim YAWEI det God blanga Isreil!
19 Preisim im haibala neim olagijawan.
20 Dijan na det laswanpat blanga ola preya weya Deibid det san blanga Jesi bin prei.