1 God, wotfo yubin libum melabat? Yu garra lagijat olagijawan?
2 Yu jinggabat yu pipul olabat weya yubin pikimat blanga yu ronselp longtaim,
3 Yu wok oba ol detlot rabish weya yu seikridwan haus bin jidan.
4 Yu enami olabat bin jinginatbat adbala langa yu Serramoni Pleis.
5 Deibin jis laik detlot pipul hu oldei kadimdan tri garram olabat eks.
6 Deibin smeshimap ola purdiwan wudwan ebrijing garram olabat eks en bigwan hema.
7 Deibin barnimap yu Serramoni Pleis garram faiya,
8 Olabat bin wandi binijim melabat brabliwei,
9 Ola seikridwan ebrijing bin ol binijap,
10 God, haulong dislot enami blanga melabat garra laflafbat langa yu?
11 Wotfo yu nomo album melabat? Wotfo yu haidim miselp bingga?
12 Bat God, yubin jidan melabat king brom longtaim.
13 Garram yu strongbala pawa yubin kadimat det solwoda,
14 Yu na bin breigimap detlot hedpat blanga detlot bigwan krokadail gulum Labaiyathan,
15 Yu na bin meigim ola springwoda en lilwan krik randan.
16 Yu na bos blanga deitaim en naitaim,
17 Yu na bin meigim ebrijing langa dijan wel blanga jidan langa olabat pleis,
18 Bat YAWEI, yu jinggabat.
19 Nomo larram ola wailwan enimul gajim lilwan bard blanga yu.
20 Yu jinggabat det strongwan pramis yubin meigim garram melabat,
21 Yu nomo larram detlot pipul hu abumbat adtaim jidan garram sheim.
22 Yu gidap God, en jandap blanga yu wei.
23 Yu nomo fogedabat yu enami olabat hu oldei jinginatbat.