1 Brabliwei melabat garra preisim yu, God, deya langa Saiyan,
2 Dumaji yu oldei ensim ola preya,
3 Ola nogudbala ting melabat oldei dumbat jidan bos blanga melabat,
4 Ol detlot pipul weya yubin pikimat en bringimap blanga jidan langa det seikridwan haus blanga yu, jidan gudbinjiwan.
5 God, wen yu irrim melabat preya yu oldei dum ola brabli gudbala ting en seibum melabat.
6 Garram yu pawa yubin meigim ola bigwan hil en pudum olabat langa olabat raitwan pleis,
7 Yu meigim det solwoda jidan kwaitbala.
8 Wen yu dum ola brabli gudbala ting, ola pipul brom ola kantri sanraiswei raidap langa ola kantri sangodanwei hatjamp brabliwei, en olabat jingat gudbinjiwei.
9 Yu lukaftumbat dijan graun.
10 Yu jandimdan rein blanga meigim det graun jidan wetwan blanga meigim redibala blanga growimapbat ola sid daga.
11 God, dumaji yu brabli gudbala, yu gibit melabat detmatj gudwan ting.
12 Ebriweya langa kantri detmatj buligi, ship en nenigout jidan.
13 Ola ship jidan detmatj langa det kantri,