1 Mi garram trabul, God.
2 Yu maindim mi brom detlot nogudwan plen blanga detlot nogudwan pipul.
3 Olabat yusum olabat tang blanga tok ola wed laik shapwan naif,
4 Olabat nomo bradin.
5 Olabat album gija blanga dum nogudbala plen.
6 Olabat jidan en meigim plen blanga dum nogudbala ting en dei tok,
7 Bat God garra shudum olabat garram ol im erro,
8 Im garra binijimap olabat blanga detlot nogud wed deibin tok.
9 Olabat holot garra bradin.
10 Ola pipul hu jidan raitwei langa YAWEI garra gudbinji blanga wanim imbin dum.