1 Wi garra preisim YAWEI det trubala God.
2 Ai garra preisimbat YAWEI raidap ai binij.
3 Nomo trastim detlot pipul hu jidan boswan o najalot pipul,
4 Wen olabat binijap, dei berrim olabat.
5 YAWEI, det God blanga wi grenfatha Jeikob,
6 YAWEI na bin meigim det skai, graun, woda en ola ebrijing weya jidan langa olabat.
7 YAWEI oldei dum wanim rait blanga detlot pipul wen enibodi dum nogudbala ting langa olabat.
8 Im meigim blainwan pipul luk.
9 YAWEI lukaftumbat ola powan streinja pipul.
10 Trubala YAWEI garra jidan bos olagijawan.