1 Ai garra dalimbat blanga det haibalawei blanga yu, main God, en main king,
2 Ai garra gibitbat theingks langa yu ebridei.
3 YAWEI im haibalawan en pipul garra preisim im neim brabliwei.
4 Ola pipul en olabat biginini hu garra jidan bambai garra preisim yu blanga wanim yubin dumbat.
5 Olabat garra toktok blanga yu pawa en blanga yu haibalawei.
6 Ola pipul garra toktok blanga ola ting weya yubin dumbat,
7 Olabat garra dalimbat blanga detlot gudbala ting blanga yu,
8 YAWEI laigim pipul en im garram soriwan filing blanga olabat.
9 YAWEI im gudbala langa ebribodi.
10 Ebrijing yubin meigim garra preisim yu YAWEI,
11 Olabat garra tok blanga hau yu jidan haibalawan bos,
12 wulijim ebribodi garra sabi blanga ola gudbala ting yubin dum,
13 Det haibala pleis garra jidan olagijawan, en yu garra jidan boswan olagijawan.
14 Im album detlot pipul hu abumbat trabul,
15 Ebrijing laibala luk langa yu blanga album olabat,
16 Yu gibit olabat naf ebrijing,
17 YAWEI oldei dum ebrijing raitwei,
18 Im oldei jidan gulijap langa ol detlot pipul hu jingat langa im,
19 YAWEI oldei gibit ebrijing langa ol detlot pipul hu rispek im.
20 Im lukaftum ol detlot pipul hu laigim im,
21 Ai garra preisim YAWEI olataim.