1 Preisim YAWEI det trubala God!
2 YAWEI im bildimbek Jerusalem.
3 Detlot pipul hu jidan brabli nogudbinji, im meigim olabat jidan gudbinji igin,
4 Imbin jinggabat haumeni sta garra jidan,
5 Blanga wi God im brabli haibalawan en strongbalawan.
6 Im album ola lobala pipul,
7 Sing preis song langa YAWEI,
8 Im pudum ola klaud ebriweya langa skai.
9 Im gibit daga langa ola enimul,
10 Pipul trastimbat ola strongwan hosis,
11 Bat im jidan gudbinji langa detlot pipul hu gibit im rispek,
12 Pipul blanga Jerusalem, preisim YAWEI!
13 Im meigim strongbala ola geit blanga yu, Jerusalem,
14 Im nomo larram enibodi kaman en fait langa yu,
15 Im gibit oda langa dijan graun, en im duwit streidawei.
16 Im spredimat sno, seimwei laik yu spredimat bleingkit,
17 Im jandimdan heilston wulijim ston.
18 Brom deya im tok en ola ais meltap.
19 Imbin gibit im wed en ol im lowa langa im pipul olabat langa Isreil.
20 Im nomo bin dum lagijat blanga najalot pipul brom najalot kantri.