1 YAWEI det trubala God im gudbala langa wi.
2 Im na det brabli haibala God.
3 Im na det bos.
4 Im dum ola brabli klebabala ting weya nobodi iya kaan dum.
5 Im na sabi ebrijing brabliwei.
6 Imbin meigim det graun jidan ontop langa det solwoda.
7 Imbin meigim ola lait.
8 Imbin meigim det san shain deitaim.
9 Imbin meigim det mun en ola sta shain naitaim.
13 Imbin kadimat det solwoda gulum Redsi.
14 Imbin deigim detlot Isreil pipul thru langa midul.
15 Bat imbin draundim Fero en im solja olabat deya langa det Redsi.
16 Imbin deigim im pipul thru langa det bush kantri.
17 Imbin kilim ded ola strongbala boswan.
18 Imbin kilim ded detlot boswan weya ebribodi sabi.
19 Imbin kilim ded Saihan, det boswan blanga ola Emarait pipul.
20 Imbin kilim ded Og, det king blanga ola Beishan pipul.
23 Imbin jinggabat wi wen wibin jidan brabli nogudbinji.
24 Imbin seibum wi brom wi enami olabat.
25 Im gibit daga langa ebribodi en langa ola enimul du.
26 Gibit theingks langa YAWEI.