1 Preisim YAWEI det trubala God!
2 Yumob hu wek deya insaid langa det haus blanga YAWEI wi God,
3 preisim im dumaji im gudwan.
4 Imbin pikimat Jeikob en ola Isreil pipul blanga im ronselp.
5 YAWEI im God blanga wi,
6 Im dum wanim im wandim langa hebin en langa dijan kantri en insaid langa solwoda raitdan langa bodam.
7 Im bringimap rein klaud brom olaran langa ebri kantri.
8 Langa det kantri Ijip imbin binijimap ola men en ola enimul hubin bon fes.
9 Deya na imbin dum ola klebabala ting blanga panishim det king en ol im brabli haibala wekinmen olabat.
10 Imbin binijimap detmatj pipul brom najalot kantri,
11 det King Saihan blanga det Emarait traib,
12 Imbin gibit ola kantri blanga olabat langa ola Isreil pipul,
13 YAWEI, pipul garra oldei tok yu jidan God.
14 YAWEI garra oldei lukaftumbat im pipul olabat.
15 Ola pipul brom najalot kantri bin meigim ola drimin sheip garram gol en silba.
16 Detlot drimin sheip garram mawus bat dei kaan tok,
17 Detlot drimin sheip garram irriwol bat dei kaan irrim,
18 Larram ol detlot pipul hubin meigimbat olabat en hu trastimbat olabat,
19 Ola Isreil pipul, preisim YAWEI!
20 Ol yumob Libai klen, preisim YAWEI.
21 Preisim YAWEI langa Saiyan deya langa Jerusalem weya im jidan.