1 Deya gulijap langa detlot riba langa Bebalon wibin jidan,
2 Wi nomo bin abum filing blanga sing en plei gita, en wibin heingimap olabat langa gulijapwan tri.
3 Detlot Bebalon pipul hubin meigim wi prisana bin dalim wi blanga sing,
4 Hau wi garra sing song langa YAWEI iya langa dijan streinja kantri?
5 Nomo larram mi plei gita igin if mi fogedabat yu, Jerusalem.
6 Nomo larram mi sing igin if mi fogedabat yu,
7 YAWEI, yu jinggabat wanim detlot pipul blanga Idam bin dum detaim wen deibin teikoba Jerusalem.
8 Pipul blanga Bebalon, bambai yumob garra binijap.
9 Olabat garra deigim yumob beibimob en smeshimap olabat langa bigwan ston.