1 Fiyu runacuna-jananga ama rabyacuychu.
2 Paycunaga guewa chaquejnöpis rätumi ushacäcun.
3 Allillata rurashpayqui Tayta Diosllaman yäracuy.
4 Cushishalla Tayta Diostaga sirbiy.
5 Tayta Diospa maquincho cachun bïdayquega.
6 Chauraga Diosmi allita ruraj cashayquita ricacächenga.
7 Tayta Diospa ñaupanchöga upällalla cacuy.
8 Fiyucuna-jananga ama rabyashalla cacuychu.
9 Fiyucunataga Tayta Diosmi illgächenga.
10 Manapis aycällatanami fiyucunaga illganga.
11 Umildicunami ichanga alli pachacho tiyanga.
12 Fiyucunaga alli runacunata mana alliman chayachiytami yarpan.
13 Tayta Diosmi ichanga paycunapaj asicun.
14 Fiyucunaga sablinta,
15 Ichanga quiquinpa sablillanmi shongupa tucsipaycongapaj.
16 Aypallata chararpis fiyu runa cananchïpa ruquenga
17 Fiyucunapataga callpantapis ushajpämi Tayta Dios ushacächenga.
18 Alli runacunataga Tayta Dios waran-waranmi ricaycan.
19 Llaquicuy junajcunachöpis paycunaga manami pengaycho cangachu.
20 Fiyucunaga ushajpämi illgangapaj.
21 Fiyucunaga ristacurcurpis manami päganchu.
22 Tayta Dios bindisyunta goshan cajcunallami alli pachachöga tiyanga.
23 Tayta Diosmi runataga alli caminullapa pushan.
24 Chay runaga Tayta Dios pushaptinmi
25 Unay mösu cashä wichanpis, canan auquinna cashäcamapis manami ricashcächu alli runa pishipacaycho goyajtaga.
26 Alli runacunaga imaypis cuyapäcunmi.
27 Llutancunataga ama ruraychu. Allillata ruray.
28 Tayta Diosga cuyan allita rurajtami.
29 Alli runacunami ichanga alli pachacho tiyanga.
30 Tayta Diosman yäracoj runaga sumaj yarpachacurcurmi riman.
31 Tayta Dios yachachishallantami yarparan.
32 Fiyu runaga michipaycanmi alli runata wañuchiyta yarpapashpan.
33 Chaypis Tayta Diosga manami camacächengachu fiyu runapa maquinman chayanantaga;
34 Gamga Tayta Diosllaman yäracuy.
35 Fiyucunataga ricashcä rabyar
36 Chayno caycashanpitami illgacäcusha.
37 Masqui ricay juchaynaj runata, Dios munashanno goyaj runata.
38 Mana wiyacoj cajcunami ichanga ushajpaj ushacanga.
39 Alli runacunataga Tayta Diosmi yanapan.
40 Tayta Diosmi imanöpapis gueshpichin.