1 Tayta Dios, rabyasha caycashpayquega ama piñacamaychu.
2 Lëchayquipis cuerpöchömi jaticasha caycan.
3 Rabyasha piñacamaptiquimi intëru cuerpöpis manana sänunachu.
4 Juchä atipashami caycä.
5 Mana yarpachacuypa rurashäpitami guerëcunapis ismur asyaricurisha.
6 Llaquishalla, jagayashalla, uysucushallami purëpis.
7 Rupaywan wajtäpis rauraycan. Intëru cuerpömi nanaycan.
8 Callpäpis mananami cannachu.
9 Tayta Dios, imata munaycashallätapis gamga musyanquimi.
10 Shongöpis tic-ticyaycanmi.
11 Guerëcuna captinmi llapan amïgöcunapis, castäcunapis carullachöna carcaycan.
12 Wañuchimayta munajcunaga togllatami churaparcaycäman.
13 Chaypis nogaga mana wiyaj upanömi cacö.
14 Imata nimaptinpis manami wiyaj-tucöchu.
15 Tayta Dios, gamtami shuyaraycä.
16 Ichanga ruwacushayqui Tayta:
17 Illajpitanami tunej-aywä.
18 Juchata rurashäpitami fiyupa llaquicö.
19 Chiquimajcunaga aypallanami miracurcusha.
20 Noga allita rurashäpita mana alliwanmi cutiycächiman.
21 Tayta Dios, ama japallätaga cachaycamaychu.
22 Imaypis salbamaj Tayta Dios,