1 Juchasapacunaga yarpan imanöpapis mana allita rurayllatami.
2 Paycunaga yarpan waquinpita mas alli caycashanta.
3 Paycunaga mana allita parlajllami, llullacojmi.
4 Cämanchöpis yarpaycan mana allita rurayllatana.
5 Tayta Dios, cuyacoj cashayquimi ichanga syëlucama chayan.
6 Alli arriglaj cashayquega altunnin puntacunanömi.
7 Tayta Dios, gamga fiyupa cuyacojmi canqui.
8 Wasiquicho aypalla micuy captinmi llapanpis sacsan.
9 Yacu pashtamoj-jinami gamlla pï-maytapis cawachinqui.
10 Gamman yäracamojcunata, alli runacunataga cuyapaycuy, alli ricaycuy.
11 Ama camacächiychu munayniyoj-tucojcuna lluchcacamänanta,
12 Masqui ricay chay fiyu runacunata. Cananga mana allimanmi chayasha carcaycan.